جريدة الدستور || تنفيييس: المواطن المْـفـَحًّـم * كامل النصيرات

تنفيييس: المواطن المْـفـَحًّـم * كامل النصيرات

أنا المواطن الأردني ..تلقيتُ ببالغ الفرح والسرور نبأ قيام حكومتنا بـً ( رفع ) البنزين والديزل ..،، ومصدر فرحي هو أن الحكومة تضرب بيدْ من ( بنزين ) و لمّا تتعب تضرب بيدْ من ( ديزل ) ..و هذا يثبت للمرّة الألف أن هذه الحكومة بالذات هي حكومة ( والله لأحرق أعصابك يا مواطن ) ..،، و عندما تضرب الحكومة بيد من بنزين أو ديزل هذا يعني أن المواطن الأردني الآن جاهز للاحتراق بأي لحظة ..لذا تجد أي واحد يحكي مع واحد ثاني كلمتين : فجأة و إنها ( مولعة بينهم ) ..لأنهما مضروبان بالأصل بيد من بنزين و ديزل ...،، يعني كمان مرّة وباختصار ..المواطن الأردني ( مولعة معه ) أينما يذهب ..وهو قابل للانفجار والاحتراق في كل زمان ومكان ..وذلك بسبب ضرب الحكومة كل شهر بيدْ من ( بنزين و ديزل )..،، أعرف أن الحكومة ( مولعة معها ) كمان لأنها مجبورة ترفع الأسعار ..بس كمان المواطن له درجة من التحمّل ومن التوليع ..،، توليع الحكومة تعبر عنه بقرارات ( تنفيسية ) فتخف حدّة توليعها ..أمّا المواطن فكيف يعبًّر عن حالة ( الولعان) التي تزداد كل ( نُصْ ثانية ) ..؟؟؟ أمام المواطن واحد من حلّين لا ثالث لهما : إمّا أن يعبًّر عن تنفيسه بزيادة نسبة ( الفَعْطة ) بوجه كل شيء و وين ما تصفّي تصفّي ..أو يظل محافظاً على حالة الولعان دون تعبير أو تنفيس وهذا سيؤدي إلى احتراق داخلي و حقيقي للمواطن و بالتالي نصل إلى مرحلة المواطن ( المْفَحًّم ـ يعني اللي ولّع و صار زي الفحمة) ..و اعتقد هذا ما تريده الحكومة بالضبط ..المواطن المفحًّم ..،، أمّا السؤال الكبير ..لماذا الحكومة تريد أن تحوًّل المواطن من ( مولًّع ) إلى مواطن ( مْفَـحًّم ) ..؟ فبالتأكيد أن الحكومة وحدها تملك الجواب ..بس من عندي و عند الغانمين ( شرواكو ) أقول : أن الحكومة مُدمنة أرجيلة ..والفحم إللي عندها خالص من زمان ..بدها مواطن مفحًّم عشان ( نَـفَـسين ) الأرجيلة بس ..،، وعندك واحد أرجيلة وصلّحو..،،

abo_watan@yahoo.com

التاريخ : 12-06-2008

1- مولع

kj || 6/12/2008 1:41:24 AM بتوقيت الأردن

والله الحكومة غير تولي انشاء الله والشعب يولع وما يلقى ناس يطفيه بتعرف ليش يا كامل لإنه ما في مي نشربها.

2- الإنفجار القادم ....

FADIVIDAL || 6/12/2008 1:50:12 AM بتوقيت الأردن

تحياتي لك استاذ كامل ,,,
الإنفلات وعدم السيطرة ...
!!!!!!!!!!!!!!!!!!
ليس هناك رحمة في الأرض ,,, لا تتوقعوها من الرب ...
"" إرحموا من في الأرض , يرحمكم من في السماء "" .

3- انت كنت فين يا راجل ؟!

محمد سليم - ساخر مصرى || 6/12/2008 1:52:26 AM بتوقيت الأردن

انت كنت فين يا راجل ؟! ......انى قلت فى نفسى ؛ زمان ابو وطن ( فطسان من الحر ) فى نار الأغوار..وراح ف الكازوزة من شدة الحر ...كنت ح شد لك تلغراف أو ايميل .....بس الحمد لله... رجعت بالسلامة..ويتنفس على راحتك ...وبتنفس حلو .....ربنا ما يحرمنا من نفسك ........................تحيتى ومحبتى .... ..

4- مش هيك يا أستاذ كامل النصيرات

يوسف || 6/12/2008 3:52:16 AM بتوقيت الأردن

في بكلامك تناقض يا أستاذ كامل لما حكيت انه الحكومة مجبورة إنها ترفع الأسعار وبعدين بتهاجمها بطريقتك الساخرة ليش بترفع بالأسعار, طيب إذا كانت الحكومة مضطرة إنها ترفع الأسعار لأنه مش بايدها رفع الأسعار ومش في مصلحتها رفع الأسعار لأنه بأثر على السيادة الداخلية فيها يعني ما في داعي لهذا الهجوم الغير مباشر وأنت من أكثر الناس معرفة أننا يجب أن نساند الحكومة في هذه المرحلة الحرجة اقتصاديا وأتمنى أن يكون هذه المقال كلام انت مقتنع فيه وليس لجلب عدد كبير من القراء وشكرا .

5- أفحمتنا

أحمد أبو مالك || 6/12/2008 5:10:49 AM بتوقيت الأردن

أنا المواطن المفحم , قد تستغرب ولكن صبرا ..!!
نعم كنت المفحم قبل آخر رفعة محروقات أما الآن فأصبحت رمادا رمادا رمادا...................
لا تنفخوا على رمادي حتي لا أطير من وطنييييييييييييييييي حبيبي

6- اوله دلع واخره ولع

المواطن الكريم || 6/12/2008 5:48:18 AM بتوقيت الأردن

شوف علي جاي صحيح انه ماكلين هوا بس ما وصلنا لدرجة التفحيم وبظني مش رح نصل قلي ليش...
اها..احنا -الشعب الاردني- عكس الدنيا وجمل المحامل كيف؟
احنا ما بنفطن للاشي غير لما يغلى
ما بنعمر غير لما يغلى الحديد وكل ما زاد سعر الاشي بنروح طيار عليه
غلو البنزين ..معلش شدة وبتزول(أتمنى ذلك)واللي بلد حواليه بعرف انه ::أكل (..) وسلامة تسلمك

7- الله يعين المواطن

عمر الحوراني || 6/12/2008 6:47:14 AM بتوقيت الأردن

الله يعين الحكومه على المواطن .... قصدي الله يعين المواطن الغلبان المسكين وحسبي الله ونعم الوكيل...

8- صح لسانك

سامر زكي المدانات/ الإمارات العربية المتحدة || 6/12/2008 7:13:23 AM بتوقيت الأردن

صح لسانك

وأطلبلي واحد أرجيلة على حساب الحكومة.
ويجعل لا حدا حوّش.

9- مبارح ما تنفسنا

نداء الشويخ || 6/12/2008 7:23:18 AM بتوقيت الأردن

صباح الخير استاذ ابو وطن
فعلا الحكومة بدها مواطن مفحم على الاخر ......... حتى تنبسط وتدفى بالشتا

10- كل شي نار ومافي ماء يطفيه

كريمه وهاب || 6/12/2008 7:50:01 AM بتوقيت الأردن

الاسعار نار والمواطن مولع من الاسعار والجو الحار والمي الاسبوع هاد ما اجت على منطقتنا منيح يعني ما لحقنا نعبي حاجتنا منها والله بحكي جد كنت ناوية ارش العيلة بشوية مي عشان اتفرج عليهم وهم بيتشتشوا لكن خسارة حتى هالمتعة محرومين منها وبالذات في منطقة الغور الي درجة الحرارة بتوصل احيانا خمسين درجة
اللهم اغثنا يارب والي مش مصدق يجي ويشوف

11- لسنا وحدنا

سناء ياسين sanayaseen30@yahoo.com || 6/12/2008 7:57:41 AM بتوقيت الأردن

كل الشعوب العربية وصلت مرحلة التفحيم ففي السودان امس تم تشييع المئات من ضحايا حادث الطائرة بحيث لم يتم التعرف على الجثث لانها مفحمة ,في مصر الناس فحمت وهي تركض وراء رغيف العيش الي فاز في سباق المارثون للجري وما حدا قدر يلحقة , وفي الاردن بالامس خلع مواطن اردني كل ملابسه احتجاجاً على اشياء كثيرة وليس كما يقول الخبر على مخالفة سير . نحن نركض نحو لحظات الجنون المؤقت فهل ستغفر لنا الحكومة تلك اللحظات وماتعاقبنا عليها ؟والقادم اعظم
دام قلمك استاذ كامل

12- مواطن مسكين

مها الجيلاني(أم معاذ) || 6/12/2008 8:05:26 AM بتوقيت الأردن

كاتبنا الكبير ..كامل النصيرات

لا ريب أن المواطن هو أغلى ما تملكه الحكومة حيث حولته هو نفسه إلى وقود سريع الاشتعال في زمن عزت فيه نقطة البنزين

فلنهتف معا لمثل هذه الثروة الوقودية القومية

13- دائما كامل

وجدي الجريبيع || 6/12/2008 8:17:49 AM بتوقيت الأردن

دائما كامل يا كامل

وجدي الجريبيع

14- وينك امس

عاصم الطراونة _ ابوظبي || 6/12/2008 8:26:47 AM بتوقيت الأردن

المهم فحمنا وولعنا والتعن تميسنا من قاع قاعه المهم انه يا جماعه استوينا مشان الله بكفي سطحتونا

15- ارجيلة معسّل كمان

سوزان الحلاق لبنان || 6/12/2008 8:36:23 AM بتوقيت الأردن

صباح الخير استاذ كامل
متل العادة مصيب فى كل ما تقوله غلاء المحروقات اصبح شيء لا يحتمل وين ما كان
و الحمد الله حكوماتنا مطنشين و نايمين و ما بس عم يأرجلو تركي عم يأرجلو معسّل لان المعسل بيسطل الرأس اكتر و بدو فحم اكتر هيك حرام نحن منتفحم احسن ما الحكومة تنقطع من الفحم و يروح الحجر يلي بيعدل الدماغ على قولة اخواننا المصاروة

تنفس يا استاذ براحتك بركي بتضل الامل الوحيد

16- المواطن قدها وقدوووووووووووود

اردنيييييييييييييييييييييييييييييييي || 6/12/2008 9:23:05 AM بتوقيت الأردن

هل سبيقى كل شيء يحصل في العالم من حروب واقتتال ورفع اسعار سوف يبقى الوحيد المواطن الاردني الذي يتحمله، وهل اللجوء الى الجباية من المواطن هو الحل الوحيد لدى الحكومة؟!؟!؟
والله اقتصاديين فهمانين وبتراعوا المصالح مزبوط

17- نفّخ

مروان لبابيدي عمان || 6/12/2008 9:54:39 AM بتوقيت الأردن

شو رأيك نعملها مشحرة و ننزل على الشارع كل مين عم يشحط شحطة و قال ايشي هذا ؟ والله انا معصب و بدي ضارب على الحكومة لشوف مين يشحط اكتر و مين يلي يحترق نفسه الاول ؟؟؟

18- فكرة جهنمية

M.SH || 6/12/2008 9:59:04 AM بتوقيت الأردن

خبر منقول بس مش جديد

الخبر:
أحرق مواطن أردني في محافظة
الزرقاء شرق العاصمة عمان سيارته احتجاجاً على قرار الحكومة رفع أسعار المشتقات النفطية الذي أعلنته أخيراً. وهرعت سيارات الدفاع المدني لإطفاء النيران المشتعلة بالسيارة، التي قال صاحبها إنه قام بإحراقها لعدم قدرته على تغطية مصاريفها خصوصا في حال تنفيذ الحكومة قرارها رفع اسعار المحروقات.

فكرة:
شو رأيكم انسوي نفس الشي هيك بتتفحم السيارات وبنخلص منها وبظل صحتنا كويسة. بدل ما يفح... حما ابو وطن لانو الحكومة مش قادرة تف....حيم حدا.
وبارك الله في حكومتنا الي راح اتخلي
المواطن وقودا للفير بليس تبعها

19- الفحم اغلى نملك

ابو العبد || 6/12/2008 10:05:17 AM بتوقيت الأردن

ما هوه ما دام انه المواطن اغلى ما نملك فبكل تاكيد سعرة فحم اغلى من سعرة حطب وهيك بنصدر منه وبنجيب عمله صعبه للبلد وبنفس الوقت الشويه اللي بظلوا بالبلد بنشوي عليهم وبنسوي نفس ارقيلة.......

20- حمي الديزل-ادعس

مهستر || 6/12/2008 10:14:29 AM بتوقيت الأردن

يعني باختصار الوضع الدولي
مكهرب فيا مواطن يا غني
دير بالك على اخوك الفقير
لانكو راكبين بنفس القارب
والحكومه هي من الشعب
يعني سوقي شوي شوي الطريق
صار صعب.يا اما تحطو ايدكو بايد
بعض يا اما كل واحد يشد ويرخي
من عنده وساعتها ما ينفع الندم.
والي مش عاجبه البلد يا عمي
يحمل عفشه ويرحل او ذمونا للاتحاد
الاوروبي بعد ما اخواناالعرب غلو
علينا الديزل والبنزين
او الخيار الافضل انه اطخونا
وتتخلصو من مشاكلنا.
اليوم صارت فتحة العداد
25قرش على هالرشه اكيد الفتحات الاخرى سعرها رح يولع فاتكلو على الله واشتغلو
(.....)والطبل على حسابي.

21- لأ ..هيك ونص يا رقم (3 ) ....

محمد سليم - ساخر مصرى || 6/12/2008 10:41:02 AM بتوقيت الأردن

أسمح لى يا استاذ كامل ؛ ارد على يوسف رقم (3 )؛ اللى بيقول فى كلامك تناقض !!...وكمان بيكتب بلغة عربية سليمة مش متناقضة الحروف ولا النحو والصرف.... أولا ؛ الاستاذ كامل أنطلق فى مقاله من( تحت نفس الباب ) اللى بتصدر منه الحكومة قراراتها التنفيسية .. يعنى الكاتب ( بينفس )على المواطن مثل الحكومة ( بتتنفس )من المواطن ؛ أذن الاستاذ كامل يتبع نفس النهج وهذا يدلل على مساندته للحكومة قلبا وقالبا ...ثانيا ؛ الحكومة ( مجبورة ) على إصدار قرارتها لتعيش وتستمر وايضا الاستاذ كامل مجبور على كتابة مقال ليعيش ويآكل عيش ؛ أذن كاتب المقال العزيز يتمنى العيش مثل الحكومة ويسير معها فى نفس الخط بالضبط .. ثالثا ؛ والله لو الحكومة مقتنعه بقراراتها فمن باب أولى ان يقتنع كل منا بما يكتب ..أذن ؛ يوجد اتفاق و( اقتناع ) من كلا الطرفين وعندئذ لن يجدى نفعا اية نقد لايا منهما ! ...رابعا ؛ قلت ان الاستاذ كامل بيكتب و يهاجم الحكومة بطريق ساخرة !...طيعا ولازم وضروى تتهاجم اى حكومة بطريقة ساخرة لانها الطريقة الوحيدة لأنها الأرخص سعرا ! يعنى تتهاجم الحكومة وكمان ( نغرم مصارى) ؟... خامسا ؛ قولك ( لجلب اكبر عدد من القرآء ) !...طبعا يجب على الكاتب أى كاتب أرضاء القارئ كما الحكومة أى حكومة يجب عليها إرضاء المواطن أذن الرضا هدف استراتيجى لهما !...سادسا ؛ لو عدت الى آخر جملة فى المقال لوجدتها ( طلب ) واحد ارجيلة وصلحه ...لو دققت فى تلك الجملة جيدا لعرفت منها ان الكاتب يطلب الارجيلة للحكومة ..يعنى بيعزمها على حسابه أذن ؛ الاستاذ كامل كريم جدا ..طيب لو أنت فى القهوة وطبت عليك الحكومة ح تعزمها على ارجيله ؟؟!!.... سابعا وثامنا ...الا بلاش أختصارا لوقتكم الثمين ....وأخيرا.....تحيتى لك يا رقم 3 وللعزيز كامل النصيرات ...وصباحكم فل واربعتاشر ...

22- الى تعليق 18 فكرة جهنمية

سوزان الحلاق لبنان || 6/12/2008 10:50:40 AM بتوقيت الأردن

الحمد الله ما عندي سيارة عندي رخصة الها سنتين ما شافت النور

يعني اذا حرقت السيارة ؟؟؟ و ارتحيت من البنزين شو بدك تعمل بالغاز اكيد ما رح تقول للعالم يرجعوا على الحطب و يطبخوا عليه ههههههههه
تخيل بس بتعرف فكرة الاكل على الحطب اطيب شو رأيك ؟

23- تعليق 21 الاخ محمد سليم

سوزان الحلاق لبنان || 6/12/2008 11:21:50 AM بتوقيت الأردن

تحيا ايها الاخ الكريم عشت برافو عليك و الله دفاع رائع فيني حس بعصبيتك من خلال الكلمات اضم صوتي المتواضع الصغير الى صوتك

24- أين مقالتك أمس ؟

بسمة بلا.......ونة || 6/12/2008 11:22:47 AM بتوقيت الأردن

صباح الخير أستاذ كامل . أين كنت أمس ... معظمنا يشتري الجريدة ليقرا مقالاتك ومقالات غيشان الساخرة حتى ننفس بالقراءة وليس للفرجة على طلة المسؤولين البهية ولا للأخبار فالتلفزيون مكفي وموفي. لا تغب عنا ثانيه لأننا سنفحم عالآخر يعني غلاء بدون وقهر ونوافذ التنفيس مغلقة سنختنق

25- والنبي أفحمتنا

علي علي علي || 6/12/2008 11:33:49 AM بتوقيت الأردن

هسا بس عرفت السر يعني الحكومة المسكينة نفسها تشرب أرجيلة وين الغلط انها تحرقنا كلنا ؟؟استفهام للتعجب

26- ولعها

مازن الاحمد سوريا || 6/12/2008 12:05:14 PM بتوقيت الأردن

ليك حطيت ايدك على الجرج جرج الامة
ماذا ممكن ان يحل بنا بعد؟ اخي الكريم التوقعات تقول ان سعر برميل النفط الى 180$ كيف ستصبح لدينا الاسعار و كيف سنتحملها بظل غياب الدعم من الحكومة و بظل غياب دور الاوبيك التي هي ما شاء الله الغطاء الاميركي لسرقة النفط
يعني حضر مقالك من الان
شكرا لك
سلامي

27-

nabeel || 6/12/2008 12:09:10 PM بتوقيت الأردن

امبارح بعد ما روحت من الشغل طلبت مني زوجتي ان اخذها الى مكان غالي . فاخذتها الى اقرب كازية .

28- الى محمد سليم - مصري باخر

جمعة المجاميع الجماعوه - ساخر من زيمبابوي || 6/12/2008 12:10:22 PM بتوقيت الأردن

الى الاخ محمد سليم ( هو نفسه ) . بتعرف انه مقالات الاخ ناقص ( كامل ما غيره ..... طخ ؟ ) بتظل اشوى والطف من تعليقاتك اللي بلا طعم وما فيها ريحة الكتابة الشاخرة التي بتدعوها .....لأ كمان بتنصب نفسك محامي للأخ كامل ( هو نفسه .... طخ ؟ ) يعني يا أخ سليم انته غطاية غير مناسبة لطنجرة الطخ .... قصدي الاخ تاع تنفييييييييش الشعر من هول ما يرى لأنه قلبه وروحه عالمواطن .

29- حكومتي

بدون اسم || 6/12/2008 12:31:43 PM بتوقيت الأردن

حكومتي بالبيت مانعتني من الارجيله
قال ليش خايفا احرقلها السجاده والعفش انا عاد قلتلها
في فحم جديد نازل اسمه فحم المواطن
والميزه فيه انه دايما مولع بدون
نار على الله تقبل.

30- ما بين الفرص والاستغلال

جيمي كارتر || 6/12/2008 12:32:39 PM بتوقيت الأردن

يقال ان الحياة فرص0 ولكن ليس من هذا النوع0 فذلك نوع من الاستغلال الذي يبحث عنه البعض ليتم اغتنامه0 ويا له من استغلال0 اما لماذا هذا الاستغلال000فقد يكون السبب ان والده او جده قد باع اراضي ولم يكن له نصيب بها 000 او انه لم يعمل بشهادة الجامعة التي تخرج منها00 او لم يحالفه الحظ للعمل في استراليا او كندا او الولايات المتحدة او دول الخليج000 او انه سافر وعاد بخفي حنين000 او انه باطل عن العمل00 او انه فاشل ولم يستطع توفير ما وفره اقرانه 000 او 000 او000 او0000 ولكن من يدفع ثمن كل ذلك000 انه الفقير الذي بحث عنه ليسرق ما في جيبه ويشاركه عنوة في لقمة عيشه ولقمة عيش اطفاله00 فهل من ضمير ؟ ان ضمبر ميت0

31- مهر تعليق 27

مهتمة || 6/12/2008 12:51:48 PM بتوقيت الأردن

كتير حلوة نهفتك جد بحكي؟

انا افكر اني اطلب مهر الزواج كم برميل بنزين بعد كم سنة اصبح من اثرى الاثرياء

32- الفحم

احمد الدهني || 6/12/2008 12:58:51 PM بتوقيت الأردن

يا كامل يا منحوس اذا وصل المواطن مرحلة التفحيم خرج من التقيم لانه اصبح مجرد ماده خامله تصلح لتنقية المياه لا بل اصبح اقرب للموت اذا جمعت الموتى مع بعضهم فلا فائده ترجى منهموهذا حال الاردنين لتخفيف حرارة فحمك روح صيف بدير علا يا حلو

33- في الصميم

غادة || 6/12/2008 1:03:19 PM بتوقيت الأردن

يعني اقل شي ممكن نحكي عن المواطن انو ممكن يوصل لمرحلة الفحم
يعني انا الصبح صار قلبي يوجعني لاني كل يوم والثاني برفعوا اجار الباص يعني حاسة اني بطلع من البيت بس علشان ادفع للباصات والدكاكين
واعطي ابوي 50 دينار وانا بطلع بلوشي
يعني الحياه صارت بنعيش فيها علشان نسلك حالنا شوي يعني صرنا عايشين بس هيك من غير هدف لانو الارتفاعات الكبيره مانعة انو احنا انفكر مجرد تفكير انو انجدد في حياتنا
بس المقال يوم في الصميم
غادة

34- جايلك يا فحم

مغترب اسمه فاطس فاطسه || 6/12/2008 1:23:20 PM بتوقيت الأردن

بلاش تحذ تعليقي يا ابو سمره
بزعل منك وبسحب فحمي من سفارتك
بس على العموم احنا المغتربين
جايين على الصيف واكيد
رح نطفي فحم المواطن.
يعني يمكن نخفف شوي عليكم.
اذا بتسمحنا الحكومه
نجيب هدايا انا مستعد
اجيب لقرايبي كل واحد
تنكة بنزين سعرها
1.80دينار بس
انا عارفهم جماعتنا
حيقولو الهديه ارخيصه
يا فاطس يا سيدي
بيعوها ب12دينار.

35- حرارة الايمان

ام لولو || 6/12/2008 1:28:06 PM بتوقيت الأردن

الله يبيض وجوهنا يوم القيامة وما سودها مثل حياتنا بالدنيا، ودمتم سالمين صار الاردني (نيجاتيف وما بنشاف) من غرائب هذا الزمان، وصباح الخير لابو بغداد والغانمين وللوطن الحليم

36- وين المشكلة ؟؟

nabeel || 6/12/2008 1:39:05 PM بتوقيت الأردن

بالنسبة الي ما تغير اشي بعد رفع سعر البنزين .
قبل الرفع كنت اعبي بخمس دنانير وهلأ بعبي بخمس دنانير .

37- خلينا نفكر بس شوي

يوسف || 6/12/2008 2:55:22 PM بتوقيت الأردن

أول اشي بدي أبعث تحياتي للساخر المصري محمد سليم وانا مش رايح أرد عليك لأني بحترم نقدك فيني يعني باختصار لأنه نقد مش هجوم
انا كنت بس حاب أحكي انه يا ريت نفكر بس شوي ليش الحكومة رفعت الأسعار وبعدين انا متأكد انه رايحين نعذرها ولا تفكروني اني بحكي هيك لأني نايم على شوال مصاري مع اني غلبان متلكم بس لازم يكون في عندنا وعي أكبر كيف اقتصاد البلد ماشي هل الأيام والمشكلة الأكبر الي بتواجها الحكومة مش بس رفع أسعار البترول عالميا وكمان هلا رفع أسعار المواد الغذاء عالميا الي عملت ضجة كبيرة في العالم وبتمنى للي بدو يبدي رأيه يكون بعرف وعنده وعي كامل للي بحكيه وشكرا .

38- أكيد بمزح

يوسف || 6/12/2008 3:42:18 PM بتوقيت الأردن

يا خوان انا هلا أكلت لحمة شوي وحطينا على النار النار بنزين كتير يلا طقو وانقهرو
هههههههه

39- ...

يوسف || 6/12/2008 3:46:06 PM بتوقيت الأردن

بتمنى من موقع الدستور عدم نشر رأيي الأخير (أكيد بمزح) وشكرا .

40- رد على محمد سليم صاحب التعليق 21

مبدع || 6/12/2008 5:57:23 PM بتوقيت الأردن

ردك مضحك وغير منطقي، ولن أستطيع أن أنسف ردك لضيق الوقت، حيث أنني أريد إكمال قراءة الجريدة ومن ثم الذهاب للكوفي شوب لحضور مباراة الماكينة الألمانية

41- رائع

سامر || 6/12/2008 6:00:03 PM بتوقيت الأردن

وين كامل ... وين

42- ذبحونا

معلم مدرسة || 6/12/2008 6:26:18 PM بتوقيت الأردن

والله العظيم ذبحتـــــــنـــــا الحكومة أقسم بالله لنموت جوع ؟؟

43- الى رقم 3 ، 37 ، 38 ، 39 ، الزمباباوى ؛ ...

محمد سليم ساخر مصرى || 6/12/2008 8:17:12 PM بتوقيت الأردن

الى رقم 3 ، 37 ، 38 ، 39 ، الزمباباوى ؛ ...
يا زيمباباوى ؛ كتابة السخرية كمعلق ( مشاركة او تعليقا )هى استحضار روح المزحة قبل كتابة التعليق ( بالنسبة لى ) ..وليس روح الهجوم أو المنافسة ..وأظنك لن تفهم منى مهما قلت لك لأنك (...... ) ومتنكر تحت اسم غير معرف !...والى الاخ يوسف ؛ أشكرك لردك اللطيف ...
يا يوسف الفاضل ؛ كلنا نعلم ونتفهم هوجة ارتفاع الاسعار العالمية وكارثة انخفاض سعر الدولار الامريكى على اقتصاديات الدول ( المرتبطة بالدولار ) ..يعنى الاسعار ببلادنا العربية تعانى الامرين( الطاق طاقين ) من تلك المشكلة ( ارتفاع اسعار وانخفاض سعر الدولارأيضا ).ونعى جيدا ان الدول المستوردة للبترول ستعانى اكثر واكثر مقارنة بالدول المصدرة له ....وللنقاش الجدى فأننا نعيب على حكوماتنا العربية عدم ( تحُسب وتوقع تلك المصيبة ) بعد حرب العراق التى ارهقت الاقتصاد الامريكى بتريليونات الدولارات مما ادخل الاقتصاد العالمى بموجة ركود عالمية ...ونعيب حكوماتنا العربية على انها لم تفكر فى انشاء مشاريع تنموية تجعل منها دولا مصدرة ومشاركة فى الاقتصاد العالمى بسلع وخدمات ....خاصة ونحن نمتلك فيها ميزة تنافسية ( مثلا ؛ الاسمنت ، الحديد ، الالمونيوم ، الملابس أ تكنولوجيا الكمبيوتر ، ....الخ ) ..ولذا وقعت الكارثة والطامة الكبرى علينا جميعا حكومات وشعوب ....وعلينا جميعا ان نفكر للخروج من تلك الطامة ونقدم عروضا عبقرية ناجعة ...واظن بعض الدول قد بدأت فعلا بذلك وعلى سبيل المثال ؛ خفضت الجمارك على بعض السلع الغذائية اتجهت الى الاستثمارالفاعل فى الزراعة وبهمة اكثر من ذى قبل ...تخفيص مصروفات الحكومة وخفض النفقات ....الخ .......واخيرا لك تحيتى ويا ليت القرآء يستوعبون معنى ؛ مشاركة الكاتب والتفاعل مع ما يخطه قلمه وفكرة اثارة ملكة التفكير فى القارئ فيما تحمل المقالة من رؤيا ..... آسف اذ اطلت ..وآسف جدا لاستاذى العزيز كامل النصيرات على هذه المداخلة ....أعزرنى استاذى الفاضل ..واخيرا حمدا لله ع سلامتك ....

44- أبو وطن (المهلهل)

رمثاوي || 6/12/2008 10:30:32 PM بتوقيت الأردن

حكومتنا الرشيدة لكتب فيكي قصيدة "شو ما عملت وشو ماقلتي صفينا عالحديدة":" ماعلينا المهم الصحة وطنش عش تنتعش ياااااااااااا أخي المواطن والله يكو ن في عون اخواننا في غزة والعراق كمان "وتحياتي للكاتب الكبير الأنيق أبو وطن مني أبو وطن (المهلهل) ودمتم بحفظ الله

45- ايش كامل

لوتس || 6/13/2008 12:01:54 PM بتوقيت الأردن

اخي كامل :
يعني مش مكفي انك طالع من الغور مولع كمان بتزيد فوقها توليعة البنزين والكاز والديزل ... يالله الموت رحمة ... نيال اللي يلقى عزراين يلقفه ... ماهو الشعب الاردني بدون كل شعوب الارض ... في طريقه اما للانتحار ... او لتقديمه قربان على مذبح الحكومات .

46- مدونة مفروس أفندي متغاظ

الكاتب الساخر / اسلام فتحي سعد || 6/13/2008 7:44:29 PM بتوقيت الأردن

تحية طيبة أستاذي كامل النصيرات ...
أنا أقترح أنتحار جماعي للعرب ...
نخرج كلنا في الميادين العامة في يوم جمعه كده عشان ربنا يكرمنا وكل واحد طبعا معاه ازازة السم بتاعته ونتوكل عل يالله ونشرب ونموت موته جماعيه كده لذيذه عشان نبقي متحدين في اي حاجه ولو كان حتي الموت ..... تحية طيبة استاذي كامل ....

47- مشاوي أوبخور

wafa || 6/14/2008 12:16:32 AM بتوقيت الأردن

يا بو وطن
انت فاهم الحكومة غلط هي بدها نفحم عشان بدها تشم ريحة المشاوي الي المواطن كل يوم بنشها وما يتغلب من البحث عن فحم .او والله اعلم بتعرف انو نحنا بنجيب معانا بخور وعود من الخليج محتاجين فحم كتير
.. يالله يابو وطن شووو قاسي بتفسير الامور
سلامتك وتعيش

48- بارك الله فى يدك

أبو آدم || 6/14/2008 8:47:31 AM بتوقيت الأردن

ليس لدى إلا الشكر

49- هي دي الحكومات

محمد برجيس || 6/14/2008 6:45:30 PM بتوقيت الأردن

يعني انت فاكر ايه يا عم كامل هي دي الحكومات ولا بلاش
لازم تضرب بيد من بنزين و يد من ديزل و احمد ربنا بقا انها لها يدين فقط و الا كانت ضربت بيد من بنزين و يد من ديزل و يد من سكر و يد من زيت و يد من رغيف عيش
احمد ربنا يا اخي

50- ليش المقص شغال علينا

محمد صوالحة || 6/14/2008 8:46:54 PM بتوقيت الأردن

شو سيد كامل الظاهر الرقيب شغال بس على ناس وناس ... ايش يا عمي ... قلنا نحكي ... واعتبرت حالي مدعوم زي باقي المدعومين ... وفكرت حالي مركن على جبل ... طلعت مركن على عود خبيزة
محمد صوالحة

الاسم:
عنوان التعليق :
التعليق :

البحث والارشيف	أوقات الصلاة
حركة الطائرات	حالة الطقس
اسعار العملات	مؤشرات اقتصادية

يومية سياسية عربية مستقلة تصدر عن الشركة الاردنية للصحافة والنشر
المدير العام سيف محمود الشريف	رئيس التحرير المسؤول محمد حسن التل